For Kimberly Figuracion

Hi Kimmoy, Happy Valentine's Day! ❤️

Una sa tanan, thank you Lord kay nigraduate na jud tas LDR. Dati video call lang ta permi, karon naa na ka sa akong duol. Bisan pa man dili ta perminte mag-uban, at least magkita na ta every week diba.

Pero kini nga message Kimmoy, gibuhat nako ni kay gusto ra nako i-remind sa imoha kung unsa ka kaswertes akoa 🤪😂 Imagine, kung mag-baktas ta, mura kog naay gi guyod guyod nga manghod perminte. Kanang mag-motor sad ta, murag naay bata nag gakos sa akong likod 😆 Mia nmo isulod sa U-box oy! 🤣

Unya naa pay panagsa nga hinay kaayo mo-process imong braincells. Naa koy i storya, dili dayon kasabot. Mag joke ko, dili dayon ka gets. Loading pa sa tanang loading, tapos pagkahuman, kalit rag katawa nga astang kusoga! Dako kaayo’g baba, mura na kog ma tulon.

Unya palihog lang pud bi, kanang mag rides ta o naa tay laagan, tarunga pud intawon pag picture sa akoa. Dili mapuslan akoang kagwapo kay maghiwi akong nawong sa imong mga pinislitan. Hiwi ang angle, pati simod mahiwi. Unya akong kuha sa imoha? Nindot na kaayo, pwede pang Instagram, naunsa ba.

Tapos kanang pagkahuman sa rides or kada weekend, diha mang gawas tanan sakit sa kalawasan. Ako nga daghan sad ug pamaol, ako pay manghilot sa imoha. Lugi permi si Kent Orven ani.

Tapos Domingo sa hapon or Lunes sa kadlawon bahalag katugon pa kaayo ko, ihatod pa ka nakog Ecoland. Kung ma-apiki sa oras, iderecho pa ug Digos. Bahalag pag-uli nako, ako na lang isa sa tulo ka oras nga byahe, yahayas kimmoy oy, sge nalang kay sulit man sad ang gakos gakos pag padulong🤗.

Pero seryoso Kimmoy, bisan paman paminaw nimo sige ra ko’g reklamo, kabalo naman jud ka nga dili ko vocal in terms sa pag appreciate sa imoha. Pero permi nako gina-pa-feel akong paghigugma, ambot lang jud kung feel ba sad nimo hahaha!

Gusto nako ipahibalo sa imo nga favorite nako the way ka mo care sa ako, kana ganing manglaag ta tapos imoha ra perming kaugalingon imong gina huna huna, imoha rang kalipay permi mauna, pasagdaan nako nimo, hahahaha charot ra bitaw oy. Ug usa pa, bilib kaayo ko sa imong pagkanta, kuyaw kaayog porma imong baba😂mo sugot nalng kog mag sige kog tan aw ug paminaw sa imoha kay dili man ko nimo pakantahon kay kuno yabag daw ko, bitaw kimmoy oy madungog lang nako imong tingog, imong kusog nga katawa ug mga corny nga jokes sa voice message mawala na tanan nakong kakapoy hahaha bigaon. Lahi ra man gud kaayo pag ikaw akoang kauban. Mura kog nisulod sa lain nga kalibutan ba, kanang kalibutan nga naa gud gihapoy kalipay ug kasakit, pero lami sa feeling nga naa ka didto nga kalibutan. Kabalo man jud ka sa akong kakapoy, sa akong mga gipanghunahuna nga daghan kaayo, basta kanang mga drama sa akong kinabuhi hahaha maong ayaw nag layo sa akoa, drea raka.

Basta Kimmoy, timan-i dako kaayo kog plano ani atong relationship. Salamat sa pag-uban sa ako, sa pagsupport, pag sabot ug pagpa ubos permi. Saligi lang jud ko kimmoy kay kini tanan para ni sa atoa ug sa atong pamilya.

I love you kaayo, Palangga! 😘💚